Pimmusay dagiti 13 nga indibidual bayat a 23 ti mapukpukaw gapu iti napigsa a panaglayos sadiay Texas, America.
Sigun kenni Texas Lieutenant Governor Dan Patrick innem agingga sangapulo a bangkay dagiti natataengan ti nasarakan bayat a dagiti dadduma ket ubbing.
Gapu iti dayta, indeklara ti US National Weather Service ti flash flood emergency kadagiti sumagmamano a paset ti Kerr County sadiay Texas Hill Country, kasaruno metlaeng ti panagguruod ken napigsa a panagbayakabak.
Nagballaag metlaengen dagitoy kadagiti residente tapno agbakwit dagitoy.
Mabirbiruk metten dagiti 23 a babbae a nakailista a mapukpukaw.
Kagiddan dayta, agtultuloy latta ti panagpalagipda kadagiti umili sadiay agsipud ta adda ti posibilidadna a mapasaran manen ti panaglayos sadiay.
