--Ads--

Natalgeden ti kasasaad ti drayber ti lugan a gray isuzu crosswind a natnag sadiay Bermuda Hill Subdivision, San Luis, Baguio City itay laeng.


Sigun kenni Police Major Marcy Grace Marron Public, Public Information Officer ti Baguio City Police Office, posible a madischarge ti trayber ita a malem.


Ti drayber ket lalaki, agtawen ti 48, naasawaan, security guard, ken residente iti nasao a subdivision.


Maibasar iti imbestigasion ti pulisya, pasalog ti lugan daytoy idi nabaddekana ti gas, saan a ti preno, a nangitunda iti panag-accelerate ti lugan ken pannakatnag daytoy iti rangkis.


Napasamak ti nasao nga aksidente iti pasado alas sais ti agsapa ken dagos met a naipatungpal ti rescue operation iti napasamak nga insidente.//Bombo Gen