Pimmusay ti 11 a tattao kabayatan ti antigovernment Protest ti 35th anniversary iti pro-democracy uprising sadiay Kenya idi July 07, 2025.
Sigun kadagiti otoridad, adu a police officers ti nadangran gapu iti nasao nga insidente.
Kabayatan ti protesta, nagpaputok dagiti polis iti paltog ken nagaramatda iti water cannon kontra kadagiti ginasut a tattao a nagprotesta iti Nairobi capital.
Maipalagip a tinawen a mangisaysayangkat dagiti tattao sadiay Kenya iti rally tunggal maika-pito nga aldaw ti Hulio a mangmarka iti 1990 a nagkiddawan dagiti tattao a maisubli ti multiparty democracy iti nasao a lugar.
Daytoy ket kalpasan ti manu a tawen nga indaulwan ti autocratic babaen iti panangidaulo ti sigud a Presidente ti Kenya a ni Daniel arap Moi.
Kabayatanna, kinuna ni Interior Minister Kipchumba Murkomen a nakumikom ti Kenya Government a nangsalaknib iti biag kabayatan ti nasao protesta.
