Nakemmeg sadiay Mangaldan, Pangasinan ti maysa nga indibidual gapu iti kasona a panagtakaw.
Maibasar iti report ti pulisya, ti suspek ket maysa a lalaki, agtawen iti 46, single, STL employee ken barker, ken residente idiay Mangaldan, Pangasinan.
Naipaulog ti warrant of arrest babaen ti maysa a judge ti Municipal Trial Court in Cities, Branch 2, Baguio City ken awan ti nairekomendar a piansa para iti temporario a pannakawayawayana.
Balligi ti pannakakemmeg ti nasao nga indibidual babaen iti nagtipon a puersa dagiti kameng ti Baguio City Police Office-Police Station 6, Mangaldan Municipal Police Station, Criminal Investigation and Detection Management Unit ken Criminal Intelligence Unit.
Kabayatanna, nakemmeg metlaeng ti maysa a babai iti siudad ti Baguio gapu iti kasona nga estafa.
Ti indibidual ket agtawen ti 35, single, self-employed, ken residente sadiay Ambiong, Baguio City.
Naipaulog ti warrant of arrest kontra kenkuana babaen ti presiding judge ti Municipal Trial Court in Cities, Branch 2, Baguio City ken narekomendaran daytoy iti piansa a P1, 000.
Balligi ti pannakakemmegna babaen ti puersa dagiti kameng ti Baguio City Police Office-Police Station 6, Criminal Investigation and Detection Management Unit ken Criminal Intelligence Unit.
