--Ads--
Nagpalagip manen ti maysa a barangay iti siudad ti Baguio kadagiti masakupanda a residente.
iti social media post, impalagip ti Kayang Extension Barangay ti Anti-Littering and Responsible Pet Ownership Ordinance iti siudad ken iti barangay.
Daytoy ket kalpasan a naimatangan nga adu ti agkaiwara nga aso ken rugit dagitoy iti barangay.
Iti panagberipikar dagiti opisial iti nasao a barangay, dagiti agtagikua ket posible a mamulta gapu kadagiti agkaiwara nga aso ken rugit dagitoy.
Kidkiddawen pay ti nasao a barangay kadagiti masakupanda a residente a makitinnulongda kadagitoy iti panangiyemplementar ti nasao nga ordinansa babaen ti panangipatulodda kadagiti ladawan, video wenno aniaman pay a mabalin nga aramaten kas ebidensya.
