Natiliw ti maysa a lalaki a mabigbigbig a No. 7 Most Wanted Person idiay Cauayan City, Isabele kalpasan a maulit-ulit a rinamesna ti bukodna nga anak a menor de edad.
Iti interview ti Bombo Radyo kenni Police Major Rossel Damil, hepe ti Kasibu Police Station, nabigbig ti biktima a ni Alyas Ferdinand, a nakemmeg babaen ti bileg ti Mandamiento de Arresto nga inruar ti RTC Branch 37, 2nd Judicial Region.
Sumangsango ti suspek iti 4 counts ti Qualified Rape ken 3 counts ti Acts of Lasciviousness.
Maibasar iti imbestigasion, nabayagen ti panagrames nga ar-aramiden ti suspek iti anakna ngem saan a dagos a naireport gapu iti pammutbuteng ken pangta.
Naaddaan laeng ti tured ti biktima a mangipulong idi temporario a nagnaed iti lolona.
Idi tawen 2023, kinaduaan ti ina ti biktima tapno mangipila ti kaso.
Kalpasan ti dua a tawen, nakemmeg ti suspek.
Sigun kenni Major Dami, makaalarma ti panangngato ti panangabuso, nangruna kadagiti nasulinek a barangat.
Gapu iti daytoy, mangisaysayangkatdan ti symposium ken information drive tapno papigsaen ti pannakaamo dagiti babbai iti karbengan ken kadagiti wagas kontra iti kinaranggas.
