Ngimmato ti bilang ti adolescent pregnancy iti rehion Cordillera sigun iti Commission on Population and Development iti rehion.
Sigun kenni Director Cecile Basawil, PhD, imbinglayna a ti kaubingan a nailista iti Philippine Statistics Authority a nagsikog iti rehion ket agtawen laeng iti 9.
Gapu iti dayta, agtultuloy ti koordinasyon dagitoy kadagiti Local Government Units, nangruna kadagiti babbarangay ken pagadalan tapno pakaammoan dagiti agtutubo maipapan ti panagsikog.
Sigun paylaeng iti datos iti PSA, dagiti probinsya iti Abra ken Mt. Province ti nakailista iti kangatwan a bilang iti adolescent pregnancy kabayatan ti umuna a kwarter iti agdama a tawen.
Rumrumwar a ngumatngato ti bilang dagiti agsiksikog nga agtawen iti 10 agingga 14 bayat a bumabbaba met ti bilang dagiti agsiksikog nga agtawen iti 15 agingga 19.//Bombo Noveh Organo
