BAGUIO CITY – Nabigbig dagiti sangapulo ket pito a pagadalan iti rehiyon Cordillera iti World University Rankings for Innovation 2025.
Daytoy ti record-breaking performance iti rehiyon Cordillera kadagiti Higher Educations Institutions.
Maibasar iti datos ti World University Rankings for Innovation, dagiti sangapulo ket lima a nakaala iti spot iti Global Top 400 Innovative Universities ket ti Cordillera Career Development College a rank 124; ti University of Baguio a rank 134; Kalinga State University a rank 135; Saint Luis University a rank 137; University of the Cordilleras a rank 140; Ifugao State University a rank 148; Benguet State University a rank 172; Abra State Institute of Sciences and Technology a rank 179; Apayao State College a rank 221; Mountain Province State University a rank 241; King’s College of the Philippines a rank 273; Baguio Central University a rank 302; Easter College Inc. a rank 356; ti Star College, Inc. a rank 361 ken ti Saint Luis College of Bulanao a rank 375.
Dagiti pagadalan nabigbig iti Student support and engagement ket ti Kings’ College of the Philippines a rank 46 ken ti Pines City Colleges a rank 88.
Para iti ethics and integrity, nabigbig dagiti pagadalan kas Ifugao State University a rank 7; Abra State Institute of Sciences and Technology ket rank 9; Cordillera Career Development College a rank 20; King’s College of the Philippines a rank 23 ken ti Easter College a rank 32.
Iti visionary leadership, rank 6 ti Saint Luis University; rank 10 ti Saint Luis College of Bulanao; rank 15 ti King’s College of the Philippines ken rank 21 ti Unoversity of Cordilleras.
Ti panakabigbig dagiti nasao a pagadalan ket mangipakpakita no kasano kasayaat ti kaledad ti edukasyon iti rehiyon Cordillera.