Inwaragawag ti whistleblower a ni Julie “Dondon” Patidongan nga agserbi kas witness ti maysa a lalaki a natiliwan a nagaramat iti ATM card ti maysa kadagiti mapukpukaw a sabungeros.
Sigun iti Philippine National Police (PNP), masya a lalaki ti nag-withdraw iti P30,000 iti uppat a transaksyon manipud iti account ti masya kadagiti mapukpukaw a sabungeros a ni Melbert John Santos.
Inlaklon met ni Patidongan a maysa daytoy kadagiti tao na ken agserbi daytoy kas witness.
Innayon ni Patidongan a daytoy ti nagala iti nasao nga ATM sakbay a napukaw ni Santos kadwanna dagiti dadduma a sabungeros.
Nupay kasta, kinuna ti nasao a whistleblower nga iruarna ti lalaki iti kanito kasapulan.
Kabayatanna, indagadag ni Patidongan nga umasideg dagiti tattaona, karaman dagiti dua a lallaki a natiliwan iti video a nangala iti masya a sabungero manipud iti cockfight arena sadiay Santa Cruz, Laguna idi napalpalabas a tawen.
