Pimmusayen ti mabigbig a kataengan a tao ken kaunaan a centenarian a nangkumpleto iti maysa a marathon a ni Fauja Singh iti tawenna a 114 kalpasan a dinungpar ti maysa a lugan idiay Punjab, India.
Ni Singh a naipasngay idi pay tawen 1911, a nangkumpleto ti Toronto Waterfront Marathon idi tawen 2011, idi agtawen daytoy iti 100.
Nairekordna pay ti kasayaatan nga oras iti maysa a “full marathon” iti nasao a tawen, ken kasta met idi tawen 2003, babaen ti panangileppas ti lumba iti 5 nga oras ken 40 a minuto.
Saan a nairaman isuna iti Guinness Book of World Records gapu iti kinakurang ti birth certificate gaputa dagiti birth records ket saan a naidulin idiay India idi 1911.
Iti agdama, manarimaan ti panagregget tapno maamuan ti lugan a nangdalapos kenkuana, a naglibas kalpasan ti insidente, sigun kadagiti otoridad.
