Sumangsango ita ti kaso a Reckless imprudence resulting in multiple homocide, multiple seripus physical injuries and damage to property ti lalaki, 53-anyos, naasawan, highschool graduate, maysa a construction worker ken residente ti Irisan, Baguio City, kalpasan a pimmusay ti 2 nga indibidual ken nadangran ti 3 nga indibudual gapu iti saanna a panangisigurado iti panagparada ti luganna sakbay a pinanawanna a gumatang idiay Cypress, Irisan, Baguio City.
Dagiti pimmusay ket nabigbig a babbai, agtawen ti innem a pulo, ken tallo pulo ket lima.
Agtultuloy met nga agpapaimbag dagiti tallo nga indibidual a nadangran iti balay pag-agasan. Dagitoy ket babbai ng agtawen ti tallo pulo ket uppat, 8-anyos ken 3-anyos.
Iti pannakiuman ti Bombo Radyo kenni Police Major Marcy Marron, Public Information Officer ti Baguio City Police Office, dead on arrival ti maysa kadagiti biktima bayat a maysa kadakuada ti pimmusay bayat ti pannakatamingna iti ospital.
Maipalagip nga idi July 13, imparada ti lalaki ti luganna iti “inclined road” sakbay a bimmaba tapno gumatang daytoy iti maysa a kantina.
Nupay kasta, saan a naipasigurado ti handbreak daytoy rason tapno tummaray wenno aggaraw ti lugan ken nadungpar dagiti magmagna iti kalsada sakbay a naidungpar daytoy iti poste ti kuryente.
Sigun kenni Police Major Marron, napartak ti panagtaray ti lugan gaputa pasalog daytoy.
Kabayatanna, nairefer ti kaso iti prosecutors office kalpasan a nangipila ti reklamo dagiti biktima kontra iti drayber.//Bombo Noveh Organo
