--Ads--
Pimmusay ti 34 nga indibidual kalpasan a nabaliktad ti maysa a bangka a nagluganan dagiti turista sadiay Vietnam idi Sabado, July 19, 2025.
Sigun kadagiti otoridad, 48 a Vietnamese ti naglugan iti bangka a Wonder Sea, pakairamanan ti lima a tripulante.
Naituding a pasiarenda ti Ha Long Bay, maysa a nalatak a destinasion dagiti turista.
Nupay kasta, nabaliktad ti nasao a bangka gapu iti napigsa nga angin.
Inispal dagiti rescue workers dagiti 11 nga indibidual, dead on the spot dagiti dadduma bayat a mapukpukaw paylaeng dagiti 23 a tattao.
Karaman kadagiti balligi a naispal ti agtawen iti 14 a lalaki, kalpasan ti uppat nga oras.
Kabayatanna, nakompirmar a karaman kadagiti biktima ti 20 nga ubbing manipud iti capital ti Vietnam.
