--Ads--
Pimmusay ti agarup lima nga indibidual bayat a mapattapatta a 150 ti naispal kalpasan a nauram ti maysa a barko a pangpasahero iti probinsia ti North Sulawesi, Indonesia idi July 20, 2025.
Napilitan dagiti adu a pasahero a limmagto iti taaw manipud iti nasao a barko.
Sigun kadagiti otoridad, agarup 280 a tattao ti nakalugan iti KM Barcelona VA a nagtaud iti Talaud Islands ken paturong iti Siudad ti Manado.
Agarup 130 paylaeng nga indibidual ti mapukpukaw.
Kabayatanna, maibasar iti official statement, naibakwit dagiti nakalasat babaen iti tulong dagiti search and rescue team, agraman dagiti lokal a mangngalap.
Manarimaan paylaeng ti imbestigasyon dagiti otoridad seknan iti rason ti nasapasamak nga uram.
