BANGKOK, THAILAND- Pimmusay ni Major General Duong Somneang, komander ti Cambodia 7th Division iti agtultuloy a giera ti Thailand ken Cambodia.
Pimmusay daytoy iti maysa nga artillery strike idiay Chong Ta Thao-Phu Na Kua idi Sabado, Hulyo 26, 2025.
Napasamak daytoy iti tengnga ti panagbinnales ti dua a pagilian gapu iti teritorio a pagsusupiatan dagitoy.
Posible a nagrugi ti laban dagitoy, kalpasan a balligi a napapanaw ti Thai forces dagiti tropa ti Cambodia manipud iti Phu Ma Kua.
Pinadas ti Cambodia a mangisayangkat iti counter attack.
Nupay kasta, nangitunda daytoy iti ipupusay dagiti kakadwada a karaman ni Major General Somneang.
Maipalagip nga inakusaran ti Cambodia ti Thailand a dagitoy ti nangirugi iti gulo ken inreklamoda iti United Nations Security Council (UNSC).
Iti baet dayta, dagus a singubatan daytoy ti Thailand ken nangipakitada iti pammaneknek a ti Cambodia ti immuna nga immatake.
