Nagpakdaar ti Philippine National Police (PNP) kadagiti vloggers ken content creators kontra iti panagaramid kadagiti palso a videos dagiti krimen wenno public disturbances.
Sigun iti nasao nga ahensia, mangdadael daytoy iti pagbiagan, mangpataud iti panagbuteng, ken mangsinga iti trabaho dagiti polis.
Maipalagip a kinuna ni PNP Chief PGen Nicolas Torre III a maysa a vlogger ti nangipablaak iti video seknan iti bus holdup sadiay Siquijor.
Nupay kasta, naduktalan a maysa daytoy nga insidente iti panagdidinnanog.
Inyunay-unay ni Torre a makadadael dagiti palso a videos iti imahe dagiti tourist destinations.
Gapu iti dayta, nagpalagip ti PNP Chief kadagiti influencers nga agbalin a responsable ken ikonsiderada ti posible a mangitunda iti panagdanag iti komunidad gapu kadagiti palso a videos.
