--Ads--
Nadangran ti maysa a construction worker kalpasan a napandagan ti imanmanehona nga elf truck iti Longboan Alley, Gibraltar, Baguio City.
Nabigbig ti biktima a ni Bryan Decca Pacio, 40-anyos, ken residente ti nasao a barangay.
Maibasar iti report ti pulisia, pinaandar ni Pacio ti truck ken bimmaba tapno ikkaten ti kalso iti dalig idi kellaat nga immabante ti lugan agingga a natnag daytoy iti maysa a rangkis a sangapulo a metro ti kaunegna.
Sigun iti imbestigasion, nakaparada ti trak iti igid ti kalsada sakbay ti insidente.
Dagos met a tinulungan ti asawa ti biktima ken ti maysa a taxi driver ni Pacio ken naiturong iti ospital.
Iti kaudian a report ti pulisia, agtaltalinaed paylaen iti pag-agasan ni Pacio ken agtultuloy ti panangagasda kenkuana.
