--Ads--
Nakemmeg idiay Quezon City ti maysa a jeepney driver babaen ti bileg ti warrant of arrest gapu iti mapapati a carnapping nga inaramidna iti siudad ti Baguio.
Babaen ti panagtinnulong ti Philippine National Police – Highway Patrol Group (PNP-HPG) ken Baguio City Police, natiliw ti suspek iti Aurora Boulevard.
Kinumpirmar dagiti otoridad a ti jeepney driver, a “wanted” iti uppat a tawen, ket addaan ti warrant of arrest gapu iti panaglabsingna iti Anti-Carnapping Law.
Sigun kenni PNP-HPG spokesperson Police Lieutenant Nadame Malang, saan nga insubli ti suspek ti tinakawna a lugan iti siudad ti Baguio.
Saan metten a nangipaay ti komento ti suspek iti inaramidna.
