Inawagan dagiti sumagmamano a Pilipino groups sadiay Europa ti International Criminal Court (ICC) tapno sungbatan ni sigud a presidente Rodrigo Duterte ti war on drugs bayat ti administrasionna.
Napirmaan daytoy idi Marso ngem naipablaak laeng daytoy itay nabiit iti social media page.
Maibasar iti nasao a kiddaw ti grupo, adu dagiti naulila ken agladladingit gapu iti agarup rinnibu a napapatay gapu iti war on drugs.
Inyunay-unay dagitoy nga aramidenda ti panagregget tapno masigurado ti pannakaidarum dagiti responsable iti nasao a krimen, ken siguraduenda a maipaay ti hustisia kadagiti biktima ken dagiti pamiliada.
Impettengda a daytoy a laban ket para iti hustisia, human rights ken demokrasia iti pagilian.
Sigun pay kadagiti grupo ti Filipino communities idiay Europa, agturongda sadiay The Hague, Netherlands tapno ikampaniada ti panagsungbat ni Duterte iti crimes against humanity.
