Nilab-awan ni Vice President Sara Duterte ti lima nga official visits ni President Ferdinand Marcos Jr. iti dadduma a pagilian.
Maipalagip a maika-sangapulo a gundaway ti kaudian a travel trip ti bise Presidente sadiay Kuwait itay nabiit.
Nagturong daytoy sadiay Kuwait tapno makisinnarak kadagiti Filipino community sadiay.
Daytoy ti maika-pito a pagilian a tinurongna ita a tawen no sadino, kaunaan ti Japan, simmaruno ti panagturongna sadiay Hong kong.
Kamaudiananna, nagturong daytoy sadiay The Hague, Netherlands iti tallo a daras idi Mayo ken Hulio.
Malaksid iti dayta, nagturong pay daytoy sadiay Malaysia, Qatar, Australia ken South Korea.
Kabayatanna, kinuna ni Palace Press Officer Claire Castro kabayatan ti briefing idi August 12, 2025 a ti panagturong ni Duterte iti nagduduma a pagilian ket saan a solusion iti parikot ti pagilian.
Innayonna pay a saan a trabaho ti Bise Presidente ti agbiahe ken kalikaguman ti pannakaikkat ti Presidente.
Malaksid iti dayta, kinuna ni Castro nga agtatrabaho ti presidente ken saan nga agbakbakasion.
Maibasar iti statement ti Office of the Vice President, kinunana a kas paset ti mandatona a mangibagi ken mangitandudo iti pagimbagan dagiti amin a Pilipino, pakairamanan dagiti adda iti ballasiw-taaw, nasken nga agtalinaed nga aktibo a makilanglangen kadagiti Filipino migrant communities.
