Impakaammo ti baro a nadutukan kas Philippine National Police (PNP) chief Lt. Gen. Jose Melencio Nartatez Jr. nga i-assignna ni ex-chief General Nicolas Torre III iti Office of the Chief PNP wenno Public Information Office (PIO) no saan daytoy nga agretiro.
Sigun kenni Nartatez, awan ti mangpwersa iti maysa a PNP Official nga agretiro no saan a nadanun ti mandatory retirement a 56.
Impeksana a karebbengan daytoy ti maysa nga opisial ti nasao nga ahensia.
Daytoy ti kinuna ti baro a Chief gapu iti ispikulasion a posible nga agretiro ni Torre.
Inyunay-unay ni Nartatez nga adda ti pammilin a maikkat iti pwesto ni General Torre ken adda ti designation orders, isu’t gapuna nga agtumpal daytoy.
Maipalagip a pinaikkat iti pwesto ni President Ferdinand Marcos Jr., babaen ken Executive Secretary Lucas Bersamin, ni Torre idi August 26, 2025.
Daytoy ket kalpasan ti nasurok dua a bulan a panagtugawna kas dadaulo ti Philippine National Police (PNP).
Sigun kenni Interior Secretary Jonvic Remulla, intantandudo laeng ni President Marcos Jr. ti turay ti National Police Commission (Napolcom), malaksid iti dadduma pay a rason a nangitunda iti panagbalbaliw ti ranggo ni Torre iti uneg ti PNP.
Kabayatanna, inlawlawag ni Nartatez nga awan ti rigit iti nagbaetan da ken Torre.
