Masdaaw ni Atok Mayor Franklin Smith iti agwarwaras a pablaak maipapan kadagiti flood control projects a mapapati a naibangon iti masakupanna a munisipio.
Daytoy ket gaputa dadduma a flood control control projects a naikabil iti listaan ti Munisipio ti Atok ket saan a masarakan sadiay kas iti Baney, Copias, Ipit ken Pusong.
Iti pannakiuman ti Bombo Radyo kenkuana, pinaglibakanna a saanda a sakop dagiti nasao a lugar.
Sigun kenkuana, binirepikarna iti Department of Public Works and Highways-Cordillera ti nasao a banag ket kinuna ti nasao nga ahensia a nalpasen dagitoy a naipatungpal, ngem saan nga iti munisipyuna.
Patienna a posible a nagkammali laeng ti naikabil a lugar bayat ti panangidatag ti presentasion.
Maibasar gamin iti agwarwaras a pablaak, ti lugar a Baney ket addaan iti dua a flood control projects ken napondoan ti agarup P17 million ken agarup P9 million; sadiay Copias, napondoan met daytoy iti P9.8 million; sadiay Ipit ket napondoaan ti P9.8 mllion; ken Pusong a napondoan met iti P19.6 million.
Sigun kenni Smith, masarakan iti daduma a munisipyo ti Benguet dagiti nasao a lugar nu sadinno, ti Ipit ket masarakan idiay Kibungan, Baney a masarakan idiay Buguias ken sitio Copias idiay Kapangan.
Impaganetget ni Mayor Smith nga awan ti ghost projects iti munisipyuda.
Kaspangarigan adda, kinunana a daytoy ti umuna a mangibutaktak iti nasao a banag.
