Nagleppasen ti dua nga aldaw nga state visit ni United States President Donald Trump idiay England nu sadino, nagflight daytoyen kadwa ti asawana a ni First Lady Melania Trump pasubli idiay Estados Unidos.
Sinangaili ida ti british royal family nga indauloan ni King Charles III bayat a simmangbayda idi laeng Mierkules idiay Windsor Castle.
Daytoyen ti maikadua a gundaway a sinangaili iti british monarch ni Trump kasaruno ti panangpadanon kenkuana daydi Queen Elizabeth II idi 2019.
Karaman kadagiti nalpas iti nasao nga aktibidad ti panagpinnirma da Trump ken British Prime Minister Keir Starmer iti baro a technology partnership pakairamanan iti investments iti artificial intelligence ken nuclear power.
Malaksid iti dayta, natalantanda metlaeng ti maipapan iti gubat a mapaspasamak idiay Gaza ken Ukraine nu sadino, impeksa dagiti dua a world leader ti ungetda kenni Russian President Vladimir Putin a sigun kadakuada ket maysa a tao a saan a mangayat iti kappia.
Impeksa met ni Trump ti panangpaay kenkuana ni Putin gapu ta nangnamnama daytoy a marisutna ti gubat iti nagbaetan iti Kyiv ken Moscow babaen iti napintas relasyonda kenni Putin.
Kagiddan ti state visit ni Trump, adda met ti grupo dagiti tattao a nagprotesta nu sadino, nangaramid dagitoy kadagiti anti-Trump signs nga isu ti imbanderada kasta metten dagiti Palestinian flags.
