--Ads--
Dumanonen iti 51 nga indibidwal ti pimmusay idiay Vietnam gapu iti panagdalapos ni bagyo a Bualoi wenno sigud a naawagan iti Pilipinas nga Opong.
Malaksid iti dayta, adda pay iti 164 a nadangran ken 14 a mapukpukaw maibasar iti datos iti maseknan nga opisina iti nasao a pagilian.
Kangrunaan nga intunda ti bagyo ti nakaro a panaglayos nu sadino,agarop 230,000 a babbalay ti naapektaran ken 89,000 nga ektarya iti talon ken dagiti mula daytoy ti nadadael.
Maibasar paylaeng iti kaudian a report, nangitunda daytoy iti danyos nga agarop $603 million.
