Agkidkiddaw ti Philippine Postal Corporation (PHLPost) iti ₱500 million a pondo para iti panakaisimpa iti Manila Central Post Office a nauram idi 2023.
Sigun kenni PHLPost acting postmaster general ken chief executive officer Maximo Santa Maria III, ti panakaisimpa iti nasao a pasdek ket mangipasimudaag iti baro nga era iti postal service iti pagilian.
Mapangpanggep a maisubli ti orihinal nga estruktura daytoy pakairamanan dagiti interior ken pundasyonna.
Sigun pay iti nasao nga opisyal, ti restoration iti Manila Central Post ket pakairamanan ti panangpabalin iti lobby a postal museum kasta metten a maaramid nga innovation hub ti maysa kadagiti kadsaaran daytoy nga agserbi nga espasyo para iti technology ken knowledge sharing.
Innayon ni Santa Maria a ti disenyo daytoy ket aramiden iti Department of Public Works and Highways(DPWH) babaen iti superbisyon iti NCCA.
