Ad-adda a pinili ni aktor Aljur Abrenica a saan nga iparang iti publiko ti dua nga anakda kenni AJ Raval.
Inaklon ti aktor a saan pay a nakasagana a mapagsaritaan ti maipapan ti anakda, iti baet ti pannakaibutaktak ti impormasion ti ama ni AJ a ni Jeric Raval.
Maipalagip a ni Jeric mismo ti nagbalin a “whistleblower” kalpasan nga imbutaktakna ti pannaka-addada ti apo iti maysa nga interview.
Numan pay ammo ti publiko ti nasao a banag, nakaserra paylaeng ti bibig ni Aljur seknan kadagiti annakda.
Nupay kasta, kas maysa nga ama, maawatanna kano ni Aljur iti nagbalin nga addang ni Jeric.
Iti baet ti saan a ninamnama a pannakaibutaktal, kinuna ni Jeric nga awan ti paenggepna nu diket ti pagsayaat da Aljur ken AJ, a kinunana nga agpokus iti panangaywan iti annakda.
