Impalagip ti Council for the Welfare of Children (CWC) kadagiti local government units a mangaramid dagitoy iti ordinansa a mangsalaknib kadagiti ubbing manipud iti online sexual abuse.
Sigun kenni CWC Executive Director Angelo Tapales, maimandato iti local government units a maaddaanda ti ordinansa a mangsalaknid kadagiti ubbing kontra iti Online Sexual Abuse wenno Exploitation of Children.
Malaksid iti dayta, maimandato kadagiti local government units a maaddanda kadagiti nasanay a mangasikaso kadagiti ubbing a nakapasar ti Online Sexual Abuse wenno Exploitation.
Innayon ti nasao nga opisial a makikoordinar ti Council for the Welfare of Children iti Department of Justice (DOJ), Philippine National Police (PNP) ken National Bureau of Investigation (BI) tapno malapdan dagiti kaso ti online sexual abuse kadagiti ubbing.
Manarimaan metlaeng ti pannakipagtrabaho ti nasao nga ahensia iti Department of Education (DepEd), tapno maprebentaran ti bullying kadagiti pagadalan ken masigurado a natalged dagiti estudiante.
Nupay kasta, kinuna ni Tapales nga adda ti akem dagiti pamilia a mangsigurado a natalged ken awanan iti pannakaabuso dagiti annakda iti bukodda a pagtaengan.
