Impaay ti Department of Labor and Employment (DOLE) ti agarup P2.045 billion a tulong para iti emergency employment dagiti trabahador nga apektado kadagiti panagbettak ti bulkan, bagyo ken ginggined iti nadumaduma a paset ti pagilian ita a tawen.
Sigun iti Bureau of Workers with Special Concerns (BWSC), dumanon iti agarup 381,513 nga indibidual ti natulungan manipud iti panagbettak ti Mt. Kanlaon ita a tawen.
Nagtaud dagiti kaaduan a tulong iti TUPAD program no sadino, nakaipaay iti temporario a trabaho babaen iti panagikkat kadagiti rugit, minor repairs, ken dadduma pay a recovery work.
Kabayatanna, dumanon met iti agarup 160,000 a trabahador ti natulungan ti DOLE babaen iti TUPAD kalpasan ti panagdalapus ti dua a bagyo idi Nobiembre.
Impaayan metlaeng ti DOLE iti P55.9 million a tulong dagiti lugar a natamaan iti ginggined.
Pakairamanan daytoy dagiti 9,413 a workers iti Central Visayas, 5,726 a workers iti Caraga ken iti Davao Region a nakaawat iti P29 million.
Malaksid iti dayta, 1,693 a benepesiario ti nagnumar iti P19.5 million a tulong babaen ti DOLE Integrated Livelihood Program.
Daytoy ket kalpasan dagiti bagyo a Crising, Dante, Emong, Mirasol, Nando, ken Opong.
