Agtalinaed a naka-full alert dagiti kameng iti Northern Mindanao Police ken ti 4th Infantry Division (4ID) army bayat nga umadanin ti panangrambak ti Communist Party of the Philippines-New People’s Army (CPP-NPA) iti anibersaryo dagitoy inton December 26.
Sigun iti spokesperson iti 4th Infantry Division a ni Colonel Patrick Martinez, saanda nga agpakampante iti baet a naobserbaran a bimmaba wenno kimmapsot ti pwersa dagiti nasao a grupo iti rehion.
Sigun met kenni Northern Mindanao police director Brigadier General Christopher Abrahano, bimmaba ti grupo dagiti rebelde kasaruno ti panakaiyimplimintar iti National Task Force to End Local Communist Armed Conflict wenno ti NTF-ELCAC.
Nupay kasta, iti baet iti kimmapsot a pangta para iti seguridad, imbilin latta dagiti maseknan nga otoridad a mangipatungpal iti nainget nga operasyon kontra kadagiti komunista ken rebelde a grupo.
