Innaganan ni Public Works Secretary Vince Dizon dagiti baro a public works officials a mangsukat kadagiti naikkat nga opisiales ti DPWH Bulacan 1st Engineering Office (DEO) a nairaman iti ghost ken naanomalyaan a flood control projects.
Nadutukan ni Engineer Kenneth Edward T. Fernando ken Pagul Genar S.J. Lumabas kas district engineer ken assistant district engineer ti Bulacan 1st DEO.
Sinukatan dagitoy ti naikkat iti puesto a ni Engineer Henry Alcantara ken ti assistantna a ni Brice Hernandez.
Kagiddan dayta, nadutukan ni retired Army Gen. Rommel Tello kas regional director ti DPWH Central Luzon.
Sigun kenni Dizon, “most notorious” ti probinsia ti Bulacan no maipapan iti ghost ken naanomalyaan a proyekto, partikular ti DPWH-Bulacan First Engineering Office.
