Nagballaag ti Bangko Sentral ng Pilipinas konta iti agtultuloy a panagraira ti ilegal a pannakaaramat iti nagan ti BSP wenno nagan dagiti opisiales ti nasao a bangko.
Sigun iti Central Bank, panggep dagiti modus a lokwen ti publiko.
Dadduma kadagiti dokumento a naaramat a mangloko ket pakairamanan ti “assurance letters”, sertipikasion ken dadduma a dokumento nga adda ti pakainaiganna iti nagduduma a kita ti pautang, deposito iti bangko, ken dadduma a “financial transaction”.
Inyunay-unay ti BSP iti publiko a saan dagitoy nga autorisaran wenno palubosan ti asinoman a mangsingir iti aniaman a bayad para iti anti-money laundering clearance wenno aniaman a singir a mainaig iti daytoy.
Gapu iti dayta, nainget balbalakadanda ti publiko a saanda nga ipaayan iti atension dagiti anyaman a mapagduaduaan a komunikasion a maaw-awat dagitoy.
Kidkiddawen metlaeng ti BSP a saan a basta-basta nga ipaay ti anya man a personal nga impormasion wenno detalye.
