Naituding a mangisayangkat ti lokal a gobierno ti siudad ti Baguio iti kaunaan nga Ecological Waste Management ken Sustainability Fair inton Domingo, Enero 25.
Karaman iti aktibidad ti Environmental Management Board – Department of Environment and Natural Resources (EMB-DENR), Zero Waste Baguio, Eco Waste Coalition, nagduduma ng opisina ti gobierno, non-government offices, pribado a sektor, organisasion dagiti babbai, micro, small, at medium enterprises (MSMEs), ken dagiti “recycler.”
Ti aktibidad ket agleppas babaen iti recyclable collection event iti panangidaulo ni Engr. Marivic Empizo, Assistant Head ng City Environment and Parks Management Office (CEPMO) ken dadduma pay nga opisial.
Paset iti panangrambak ti nasao nga aktibidad ti circular economy babaen iti estratehiya a kas ti repurpose, remanufacture, recycle, recover, repair, reduce, rethink, refuse, refurbish, ken reuse.
Kagiddan ti Sustainability Fair, agkolektar dagitoy iti bubble wrap, papel, ken E-waste, maisayangkat pay ti information, education, and communication (IEC) activities ken dadduma pay.
Maisayangkat metlaeng ti ‘demonstration’ nu kasano ti composting, upcycling, recycling, DIY ecobag painting, Bokashi, Furoshiki, ken ti panagaramid iti sabon iti tunggal booth a maibangon sadiay. |via Bombo Jay an Gabrillo
