--Ads--
Kinompirmar ni Vice President Sara Duterte a saan a baliwan ni sigud a President Rodrigo Duterte dagiti miembro ti defense team daytoy a mangiggem iti kasona iti International Crimial Court (ICC).
Sigun kenni VP Duterte, impadanunna iti amana dagiti pakasernan dagiti supporters a saanda a mapnek iti panagtrabaho ti legal team daytoy.
Nupay kasta, impaganetget ti sigud a Presidente a saanna a baliwan ti legal team daytoy.
Kabayatanna, inwaragawag ti ICC Pre-Trial Chamber 1 a natalged ti salun-at ni sigud a president Duterte para iti pre-trial proceedings iti kasona a maatap a crimes against humanity.
