--Ads--
Kinundenar ti Palace Press Undersecretary Claire Castro ti agwarwaras a damag a peke dagiti dokumento seknan iti salun-at ni President Ferdinand “Bongbong” Marcos Jr.
Innayuna a kasapulan nga imbestigaran daytoy ti National Bureau of Investigation ken impetengna a saanda a bareng-barengen ti panangiwaras ti palso a damag seknan iti salun-at ti presidente.
Kinunana nga uray pay man awan ti direktiba manipud kenni President Ferdinand “Bongbong” Marcos, Jr. , kasapulan nga imbestigaran daytoy ti National Bureau of Investigation.
Immunan nga impakaammo ni Castro nga adda iti nasayaat a kondisyon ti salun-at ni President Ferdinand “Bongbong” Marcos, Jr. // Bombo Karen Calpoe Sapirao
