Inlawlawag iti Department of Social Welfare and Development Regional Field Office (DSWD-RFO) Cordillera a ti panangpatibker ken panagsagana kadagiti komunidad ket karaman kadagiti epektibo a wagas tapno maksayan dagiti epekto iti climate change.
Maysa daytoy kadagiti kangrunaan a pokus iti ahensia ita a tawen nu sadinno, mairamraman dagiti addang iti panangpapigsa iti resilience-building iti nagduduma a programa tapno matulungan dagiti lokal nga umili a makikaykaysa kadagiti panagbalbaliw iti aglawlaw.
Kangrunaan a paset iti estratehiya ti modality a “Pagkilos: Philippine Community Resilience Project,” a naisayangkat idi Nobyembre 2025 ni DSWD Secretary Rex Gatchalian.
Maipatpatungpal ti inisiatiba babaen iti Kalahi-CIDSS program ken maguyguyugoy ti direkta a pannakipaset dagiti residente iti panangplano iti panangpapigsa iti komunidad.
Maibasar iti datos, saklawen iti programa ti sangapulo a munisipyu ken 135 a rehion, nga addaan iti pakabuklan a badyet a P186 milion.
Karaman pay kadagiti agdama a puntiria iti ahensia ti panagkumpleto ti innem a subproject kas maitunos kadagiti naaprobrana nga iskedyul.
Nangilatang metlaeng daytoy iti P4.35 milyon para iti Cash for Work program nga agnumar iti 370 a kolehion nga estudiante ken dagiti nagleppas.
Adda pay ti kanayunan a P2.35 milion ti nailatang para iti 500 a benepesiario iti sidong iti Cash for Work for Persons with Disabilities program.
Kinuna pay ti ahensia nga agtultuloy ti panangitandudoda ti climate change adaptation ken mitigation babaen iti Project LAWA ken ti Project BINHI.
