Sinungbatan ni Atty. Harry Roque ti immunan nga kinuna ni Undersecretary Claire Castro a mangiwarwaras laeng daytoy ti fake news seknan iti salun-at ti presidente kalpasan iti panangipablaakna ti maysa a ladawan ti presidente a nakasuot iti maatap a colostomy bag.
Sigun kenni Atty. Roque, saan a mabalin a maawagan ti panangdamagna ti maipapan iti salun-at ni President Ferdinand “Bongbong” Marcos, Jr. a fake news gapu ta agdamdamag laeng daytoyu.
“Hindi ako pwedeng masabing na nagkakalat ng fake news dahil ako’y nagtatanong . . tinanong ko”, kinunana iti video nga impablaak daytoy.
Inlawlawagna a kayatna laeng a damagen nu apay nga sigun iti nakitana a ladawan, adda ti suot ni President Ferdinand Marcos, Jr. nga colostomy bag.
Sigun kenni Atty. Harry, patienna a nu agar-aramat ti maysa nga indibidwal ti colostomy bag, seryoson ti kondisyon ti salun-at daytoy.
Dinakamatna a maibasar iti Article 7 Section ( 20 ) iti Saligang Batas, karbengan ti publiko a maamuwan ti kondisyon ti presidente ken nu adda ti seryoso nga an-anayen daytoy.
Insingasing pay ni Atty. Harry Roque a mangiparuar ni Undersecretary Castro ti medical bulleti, ilawlawagda a saan a pudno ti adda iti ladawan, ken mangipablaak ti detalye iti pudno a kondisyon ti presidente ken ti pudno a rason iti pannaka-ospital daytoy. // Bombo Karen Calpoe Sapirao
