Mapatta-patta a 4.1 a gramo iti maatap a methamphetamine (shabu) a naikarga iti heat sealed transparent plastic sachet ti nakumpiskar manipod iti 28-anyos a babae a residente iti Baguio City kabayatan ti naisayangkat a buy-bust operation sadiay Military Cut-off, Baguio City itay parbangon.
Addaan daytoy iti Standard Drug Price (SDP) a ₱27,880.
Ti suspek a maysa a beautician ket naibilang nga Street Level Individual (SLI).
Malaksid iti maatap a droga, nakumpiskar metlaeng manipod kenkuana dagiti non-drug evidence kas iti cellular phone, maysa a genuine five -hundred peso bill ken walo a piraso ti 500 peso bill a boodle money.
Amin dagiti nakumpiskar a kagawaan ket naiturong iti Regional Police Drug Enforcement Unit ti Police Regional office-Cordillera (RPDEU-PRO CAR) para ti dokumentasyon ken umno a disposisyon.
Ti suspek ket sumango iti kaso a panaglabsing iti Comprehensive Dangerous Drugs Act of 2002.
Naballigi ti naso nga operasyon babaen iti nagtitinnulong a pwersa dagiti kameng iti Regional Police Drug Enforcemnt Unit iti Police Regional office-Cordillera nga isu ti dadaulo ti nasao nga operasyon, ti Regional Intelligence Division, Baguio City Police Office-Police Station 5, CDEU, PDEG SIU-CAR, ken ti RIU-14.//Bombo Noveh Organo
