Pormalen a nakasuan ti dua a bilang ti kaso a murder ti tallo a suspek iti pannakapapatay kenni Police Senior Master Sergeant Diane Marie Mollenido ket ti annak daytoy a ni John Ysmael sigun iti Quezon City Police District (QCPD).
Iti inruar ti pulisya nga statement, nadakamat a nakakita ti piskal ti pirma facie evidence wenno umdas nga ebidensiya kontra kadagiti suspek a maysa a car agent a nabigbig kas “Pia Katrina” , asawa daytoy a ni “Christian”, ken maysa pay a nabigbig kas “Gil”.
Sigun kadagiti kapulisan, kalpasan iti imbestigasyon, inrekomendada ti panangipataw ti dua a kaso ti murder without bail kadagiti suspek.
Kabayatann, inlawlawag met ti Quezon City Police District (QCPD) nga naikatten iti kaso ti immunan nga binigbigda a suspek a ni “Maribel”, kabsat ti maysa kadagiti suspek a ni “Christian”.
Innayonda nga ibilbilang da laengen daytoy kas witness iti nasao a pasamak. //Bombo Karen Calpoe Sapirao
