Inlawlawag ni Department of Foreign Affairs (DFA) a saan laeng a responsibilidad ti nasao nga ahensiya ti panangsapol iti sigud a mammanday-linteg a ni Zaldy Co.
Sigun iti nasao nga ahensiya, kasapulan ditoy ti koordinasyon dagiti amin nga law enforcement agencies ken judicial processes, nangnangura ti Interpol coordination.
Daytoy ket kalpasan ti dinakamat ni Interior and Local Government Secretary Jonvic Remulla a saandan nga idauloan ti manhunt kenni Co ken ipaspasa daytoy ti panangidaulo iti Department of Foreign Affairs.
Impetteng ni Department of Foreign Affairs a kasapulan ti “whole-of-government-approach” tapno dagos a masarakan ti nasao a sigud a mammanday-linteg.
Nupay kasta, impasigurado ti nasao nga ahensiya ti komitment da iti panangsigurado a mapasubli iti pagilian dagiti adda ti sangsangwenna a kaso tapno sungbatanda dagiti akusasyon kontra kadakuada.
Guyguyugoyenna met ti nasao nga ahensiya ti publiko a tumulong ken mangipaay ti impormasyon seknan iti posible a lokasyon ni Zaldy Co. //Bombo Karen Calpoe Sapirao
