LA TRINIDAD, BENGUET – Nakasangpeten dagiti sumagmamano a delegasyon para iti Cordillera Administrative Region Athletic Association (CARAA) Meet 2026 sadiay La trinidad, Benguet.
Sigun kenni La Trinidad municipal police station Police Lieutenant Colonel Zacarias Caloy Dausen, agarup 400 a manipud kadagiti delegasyon ti probinsya ti Apayao ti nakasangpet idi February 19.
Iti panakiuman ti Bombo Radyo kenni La Trinidad Mayor Roderick Awingan, kinunana a nagrikusda kadagiti amin a billeting sites iti munisipyo.
Inlawlawag ti mayor a ti inspeksion nga impatungpal dagitoy ket para iti kinatalged ken siguridad dagiti delegasyon.
Impetteng met ni Mayor Awingan a nakasagana amin dagiti billeting sites ken dagiti kameng ti kapulisan.
Kabayatanna, dadduma kadagiti delegado manipud iti dadduma a probinsya ket addaanda iti bukodda a personel ti kapulisan a mangbantay kadagiti billeting sites dagitoy.//via Bombo Noveh Organo
