Kidkiddawen ita ti International Criminal Court (ICC) Prosecution kadagiti judges nga ilawlawag ti defense counsel ni sigud a President Duterte ti papeles dagiti innem a Filipino lawyers.
Karaman ditoy da Salvador Medialdea, Salvador Panelo, Martin Delgra, Silvestre Bello III, Alfredo Lim, ken Cesar Dulay nga inyamammo ni Defense Counsel Nicholas Kaufman a tumulong uray nu agtalinaed laeng dagitoy iti gallery.
Gapu iti daytoy, kinnidaw ti International Criminal Court Pre-Trial Chamber 1 ti depensa a mangipisumitir dagitoy iti papel a mangibagbaga a saan a karaman dagiti nasao nga abogado iti defense team ti kaso.
Kidkiddawen metlaeng ti prosecution team a kasapulan nga ibaga ti defense a dagiti nadakamat nga abogado ket saan a makaawat iti anyaman a disclosure iti kaso, san a maka-access kadagiti non-publicing filing iti kaso, ken saan a makaawat iti anyaman a non-public information a konektado iti kaso, ken saan a makitipon iti personal iti sigud a presidente. //BomboKCS
