Ikonkonsidera ita ti gobyerno nga ibaba dagiti singir kadagiti eropuerto tapno makatulong kadagiti byaheros nangnangruna iti umadani a Holy Week.
Sigun iti Department of Transportation, paset daytoy kadagiti addang nga inbilin ni President Ferdinand Marcos, Jr. tapno saan unay a marikna dagiti Pilipino ti epeko ti panagngato ti presyo ti produkto a petrolyo iti pagilian.
Sigun met kenni Department of Transportation Acting Secretary Giovanni Lopez, ikonkonsiderada ita ti panangkissay kadagiti sumagmamano a mabayadan kadagiti eropuerto iti pagilian nangnangruna ta manamnama ti addu a pasahero iti umadani a Holy Week.
Karaman ditoyen ti landing ken take off fee ti Civil Aviation Authority of the Philippines (CAAP).
Nupay kasta, saan pay a nangipaay ti nasao nga opisyal ti gatad nu manu ti ikissayda kadagiti mabayadan ken impettengna a mannarimaan paylaeng ti panangadalda iti nasao a programa. //BomboKarenSapirao
