Guyguyugoyen ti abogado ni sigud a President Duterte a ni Atty. Nicholas Kaufman dagiti supporters ti sigud a presidente nga itultuloyda ti nakapiya a panangipakitada iti suportada kenni sigud a presidente Duterte.
Daytoy ket kalpasan a nakaawat daytoy iti mensahe manipud kadagiti supporters dagitoy a nakaunget gapu iti pannakaarestar ti sigud a presidente idiay International Criminal Court.
Impakaammona kadagiti supporters a makadandanon amin dagiti mensage dagitoy iti sigud a presidente a mannarimaan ita a nakabalod iti detention facility ti nasao a korte.
Maselebraran met inton Marso 28 ti maika-81 a panagkasangay ni sigud a president Duterte no sadino guyguyugoyen ni Kaufman dagiti suppporters nga aramidenda daytoy nga aldaw a naidumduma. // Bombo Karen Sapirao
