Nakemmeg itay nabiit ti No.4 Regional Level Top Most Wanted Person, No. 2 City Level Top Most Wanted Person ken No. 1 Station Level Top Most Wanted Person ken under iti Oplan “Forbidden Love” a driver, agtawen iti 51 ken residente iti Santa Rosario, Baguio City, idiay Bakakeng Central, Baguio City.
Naipaulog ti warrant idi Feb 24, 2026 babaen ti presiding judge iti Family Court, First Judicial Region, Branch 2, Baguio City gapu iti kasona a 22 counts iti Act of Lascivousness nga adda pakainaiganna iti Article 7610.
Ti nasao a kaso iti naakusaran ket addaan iti pakabuklan a gatad iti nairekomendar a piansa a dumanon iti P4,400,000.00.
Balligi a nakemmeg ti naakusaran babaen iti nagtinnulong nga operatiba iti Baguio City Police Office-Police Station 10 kas lead unit, RIU-4, CIDG, CIU-Baguio, CIU, PIU ken CIDMU.
Iti kaudian a report ti pulisia, ti akusado ket naiturong iti kustodia ti kapulisan para iti umno a dokumentasion sakbay a maipaima iti maseknan a korte.| via Bombo Noveh Organo
