Am-ammuen paylaeng dagiti otoridad nu siasino ti agtagikua iti maatap a nabati a bagahe wenno basura a nadiskobre ti maysa nga utility man a nangitunda ti pannakaalarma ti sumagmamano nga indibidual idi rabii, Marso 14, 2026 iti Solid Terminal Governor Pack Road, Baguio City.
Maipalagip a manarimaan ti panangidispose ti basura ti maysa nga utility man idi napansinna ti maatap nga “unattended baggage” a naibati iti asideg iti tent dagiti konduktor.
Gapu iti “curiosity” ti nasao a lalaki, nilukatanna ti bagae a nakabalkot ti nangisit a trash bag ken naangotna ti gunpowder.
Naalarma daytoy ken dagos a nagturong iti fixed vissibility point 3 tapnu agpatulong.
Kabayatanna, iti assessment ken inspection nga insayangkat ti Baguio City Expolives and Canine Unit iti bagahe, naduktalan a naglaon daytoy iti siam a pulo ket innem a pidaso iti naaramat nga small pyrotechnic paper tubes; tallo a pidaso iti naaramat a large pyrothecnic paper tubes; ken uppat a pidaso iti naaramat nga electric match.| .| via Bombo Noveh Organo
