--Ads--
Patien ni Navotas Lone District Representative Toby Tiangco a kayat ti sumagmamano kadagiti kakaduana iti Kongreso a maimpeach ni Vice President Sara Duterte.
Daytoy ket gapu iti panagamakda a mairaman iti panagsungbat iti flood control corruption iti kanito a mangabak kas presidente ni VP Sara intun 2028 National Elections.
Impetteng ni Tiangco a kasapulan a sigoraduenda a ti impeachment kontra kenni VP Sara ket para iti “accountability” ken saan a para iti panangliklik iti pannakairaman dagiti sumagmamano a kongresista iti naanomalyaan a flood control projects.
Maipalagip nga immuna a kinompirmar ni Vice President Sara Duterte ti panggepna nga agkandidato iti kina presidente intun 2028 National Elections.
