Naituding a mapaawid iti pagilian a Pilipinas ti maikapat a batch dagiti repatriates manipud Israel gapu iti agtultuloy a gubat idiay Middle East.
Iti impablaak ti Department of Migrant Workers (DMW) idi kalman, ti maikapat a batch ket buklen ti 22 nga Overseas Filipino Workers (OFWs), maysa nga ubing, ken tallo a turista.
Nakaballasiwen dagitoy iti Taba border idi Huwebes, Marso 19 ken naipaay kadakuada ti tulong manipud iti embahada ti Pilipinas idiay Cairo tapno dagos a maiproseso dagiti immigrations requirements dagitoy.
Timmulong met ti Department of Migrant Workers- OWWA Rapid Response Team iti panangasikaso kadagtiti accomodations dagitoy.
Iti agdama, impakaammo ti Department of Migrant Workers nga dumanonen ti 2, 099 nga Overseas Filipino Workers karaman dagiti dependents dagitoy ti natalged a napaawid iti pagilian gapu iti nabara a tensyon idiay Middle East. //bombokcs
