--Ads--
BAGUIO CITY- Pimmusay ti agtawen iti 57 a lalaki, kalpasan a naipit ti lugan iti siudad ti Baguio idi March 19, 2026.
Nabigbig ti biktima a tubo sadiay Sagada, Mt. Province ken residente iti Kias, Baguio City.
Maibasar iti report dagiti kapulisan, imparada ti biktima ti lugan iti “sloping portion” sakbay a nagturong iti pagtenganna.
Iti baet dayta, rimmuar daytoy kalpasan a nadlaw ken napansinna nga umat-atras ti lugan.
Ditoy metten a naatalan ken naipit iti nagbaetan ti imatras a lugan ken dagiti dadduma a nakaparada sadiay.
Dead on the spot ti biktima kalpasan a nagsagrap iti severe head injuries.
Iti agdama, malamlamayan ti bangkay ti biktima iti nasao a barangay.//via Bombo Noveh Organo
