Presio iti ticket iti konsierto ni Kim Sungkyu iti Pilipinas, nairuaren

Inruaren iti concert promoter a Wish Us Luck ti ticket prices para iti konsierto iti K-pop singer a ni Kim Sungkyu iti Pilipinas.

Maangay ti konsierto iti University of the Philippines Theater inton Hunyo 27, kas maudi nga “stop” iti “LV4: Leap to Vector” Asia tour dagitoy.

Dagiti ticket ket magatang iti ₱14,500 para iti Wish Package; ₱11,500 para iti VIP Soundcheck; ₱8,500 para iti Patron; ken ₱4,500 para iti Gen Ad.

Mangrugi ti panangilako iti ticket inton Abril 11.

Ni Sungkyu ket limmatak kas leader iti INFINITE ken kadagiti hit song a “Be Mine,” “Man in Love,” ken “The Chaser.”