Karaman kadagiti estudiante nga agleppas ita a Marso ti lolo nga agtawen iti 77 idiay Solana, Cagayan.
Ti dedikasionna iti panagadal ket inspirasion a saan laeng kadagiti padana nga estudiante nu diket kasta metten kadagiti manursuro iti pagadalan a pagserserrekanna, ken kasta metten dagiti netizen.
Nabigbig ti lolo a ni Mario Resurrection nga agleppas iti Agri-Fishery Arts iti sidong iti Technical Vocational Livelihood Track iti Sampaguita National High School.
Malaksid iti panangipaayna iti inspirasion kadagiti padana nga estudiante, “humanga” metlaeng dagiti manursuro iti pagadalanda.
Sigun kenni James, maysa a practice teacher, makitana a kanayun iti library ni Lolo Mario, ken agad-adal.
Kabayatanna, kiddaw met ni Lolo Mario nga agleppas iti panagadal gaputa kayatna nga agbalin a degree holder kas maysa nga agriculture engineer.
Patien ni Lolo Mario a napateg a paset iti pagilian ti agrikultura, ken patienna a makatulong daytoy iti pagbiaganna.
Ni Lolo Mario ket maysa a pammaneknek nga awan ti pilpilyen a tawen ken kasasaad iti biag ti edukasion iti pananggun-od iti arapaap.
