--Ads--
Inwaragawag ni United Kingdom Defense Secretary John Healey a sakbay pay a mapasamak ti gubat idiay Middle East, nangipaayen ti Russia ti intelligence iti pagilian nga Iran.
Malaksid iti dayta, nangipaay metlaeng ti Russia ti training para iti Iran nangnangruna ti maipanggep iti klase ti drones ken electronic warfare.
Inwaragawag metlaeng ti nasao a defense chief nga addaan iti “axis of aggression” iti nagbaetan ti Russia ken Iran.
Sigun pay kenkuana, adda ti “hidden hand” ti Russian President a ni Vladimir Putin idiay Iran.
Kabayatanna, dinakamat metlaeng ni Healey nga ipampamusposanda nga isecure dagiti tattaoda nga mannarimaan nga adda idiay Middle East kasta meten dagiti military bases ken kaalyadoda idiay.//bombokaren.c.s
